Auting

von Konrad Beikircher

Foto © Frank Becker
Auting
 
Weil et irjendswann suwiesu eruskütt, bekenne ich hiermit: ich futze. Un: ich futze jän. So, jetzt isset erus! Bislang wor dat immer heimlich, ewwer ich kann et nit losse. Op dr Bühn, op dr Stroß, bei enem Empfang: immer kütt dat Bedürfnis, ene fleje ze losse. Je vürnehmer die Jesellschaf es, wo ich jrad sinn, umso schlimmer es dat mit dem striche losse. Ewwer jetzt bekennen ich mich dozu, weil: futze befreit. Wie heißet esu schön: besser en der wigge Welt wie em engen Buch. Un weil ich weiß, dat ich net dä einzigste sinn, jeben ich hiemit en Beispiel. Futzer aller Länder, bekennt Euch! Erus us dr Verschwiejenheit. Mer jonn nit mih heimlich op dr Klo, enää, mer donn et jetzt öffentlich. Wat die anderen künne, künne mir at lang. "Ich habe abgetrieben", "ich bin schwul", "ich war eine Dose", jo und? Ich han ene flieje loße! Dat isset.
 
Im Ernst: ich weiß, daß es Schwule in unserer Gesellschaft schwer haben und das ist schlimm genug. Nur: wenn Sie mich froge, bringk die Bekennerei jar nüß. Weil: et es esu deutsch. Und: et sinn immer die falschen. Oder han Sie at jehürt, dat einer jesagt hätt: ich wor ene Nazi, ich wor Spitzel bei der Stasi, ich mach Asylanten platt? Lev Rosa von Praunheim (dä ich nach wie vor als Filmemacher verehren), et hätt keine Sinn, dat "outing", weil: wenn man einem die Decke vom Bett zieht, friert der. Auch wenn et en Handvoll Politiker und Künstler seither nachjemacht hann („…und das ist gut so“). Und Zwangssolidarität, wat Du jo damals erreichen wolltest, hätt ene janz eijenartije Jeruch. Toleranz kann man net erzwingen, dat widerspricht sich arg. Lommer stattdessen ein Riesen-Faß opmaache, wo Ihr dene Lück zeije könnt, wat et in der Schwulen-Welt für einmalije, wunderbare Künstler jitt. Ich mein, dat wör schöner. Un: et wör rheinischer.
 
 
In diesem Sinne
Ihr
Konrad Beikircher




© 2012 Konrad Beikircher für die Musenblätter - Redaktion: Frank Becker