Zur Erinnerung an Willy Brandt

von Konrad Beikircher

Willy Brtandt - Foto: Bundesarchiv
Zur Erinnerung an Willy Brandt
 
 
Leven Willy Brandt,
 
ich wollt nur sagen: mir sin bei Dir. Jetzt. Wann immer et esu wigg sin weed, weed natürlich jeschriwwe un jesproche weede, weltweit. Ich wollt ewwer jetzt sagen, dat Du für mich net nur ene Minsch bes, sondern och en Idee. En Idee, die wiggerläv.
Die Idee, dat hingerm Alldaach die Dräum sin, die Vision un die Phantasie.
Die Idee, dat man dat nie verjesse darf, wenn man em Alldaach bestonn will.
Die Idee, dat ich un ene jede von uns net immer nur an sich denke darf, sondern och dodran, wat ich dun kann, domet et och anderen besser jeiht. Wer nämlich dat verjiß, dä es als Lebendije als duut.
Die Idee, dat man dat Ziel, dä Draum vun dä besseren Jesellschaff, immer vür Augen han muß, dat man ewwer dodrüwwer och immer ene klare Blick für dat, wat es, behalde muß.
Die Idee, dat eesch dann, wenn ich weiß, wie et sin soll un wenn ich sin, wie et es, us mir ene politisch verantwortliche Minsch weed.
Un dat, jrad dat, hammer em Moment, wo et överall brennt un knallt, mih nüdich als je.
Un dat, leven Willy Brandt, häs Du uns in et Hätz jepflanz: ejal, ob eine CDU oder SPD oder sunst jet es. Un dat bliev.
Un dat wollt ich Dir em Namen vun esu vill Minsche sage, die jenau esu föhle wie ich. Vielleicht es Dir dat jetzt, en dr Krankheit, en all denne Schmätze, ene kleine Trus. In diesem Sinne
 
Dein
Konrad Beikircher
 
 
 
Dieses Bekenntnis zum Menschen Willy Brandt schrieb unser Kolumnist Konrad Beikircher im September 1992.
Wir erinnern damit an den streitbaren Politiker, der heute vor 20 Jahren, am 8. Oktober 1992 gestorben ist.
© 1992 Konrad Beikircher, 2012 für die Musenblätter - Redaktion: Frank Becker