Musenblätter - Das unabhängige Kulturmagazin

Foto © Frank Becker

Azwent!

Azvent! Christkindlmarkt! Duft von Glühwein, Kerzen und Tannenbaum. Silberhelle Kinderstimmen aus den Lautsprechern. Da wird einem so richtig weihnachtlich ums Herz. Hören wir uns doch einfach mal um:

"Nee, Marcel, jetz es et jot, du wors at dreimol om Karussellche, dat reicht - Minsch, Marieche, paß doch op, luurens do, dä janze Ketchup om Ärmel vun demm neue Pullöverchen - nee, Marcel, do kannse bidde un beddele wie de wills, ich han kei Jeld mieh für dat Drißkarusellche - Tach, Frau Keuenich, jaa, herrlich, ne, et es immer wieder schön he om... - Marcel! Marcel! Kumm sofort bei dr Mamm, ewwer hallo, es et dann die Möglichkeit, klimmp dä Jung einfach op et Päd vun demm Karusell - Nee, Frau Keuenich, bruchen ich net, ich han jo noch dä aale Schmuck von ming Eldere, esu schön jitt et jo hück nit mieh - Mariechen! Bliev mir met dä Woosch von, ich han minge Mantel erst jestern us dä Reinigung - Marcel! Net do dran packe! Dat es Jlas, dat jeiht...Dä! Jetz hammer dä Driß! Wat es? 29 Euro? Dat bißje Jlas? Wie: mundjeblasen? Jo un? Han ich schönere ze Hus - Minge Jung hät dat doch net mit Absicht, ich bitte Sie...Nix! Von weje 29 Euro, keine Jrosche krieje Sie vun mir, wat müsse Sie dat Zeuch och esu wigg vürre hindrapeere, dat muß jo falle, hier: ich han Zeuge - Frau Keuenich, han Sie dat jesin? - Nee, Marieche, du kriß kei Fritte mieh - Marcel, loß lieje! Um Jottes Wille, jetz hät sich dä Jung en die Fingere jeschnigge. Dat sin Sie schuld, hier: Bloot. Kumm Liebelein, brauchst nicht zu weinen, die mama tut dir do zu Hus e fein Pflästerchen drop un dann es et jot... 29 Euro! Ph! Die han sie jo nit mieh all he om Weihnachtsmaat...." Tja: süßer die Glocken nie klingen!

In diesem Sinne

Ihr

Konrad Beikircher