Et Marilyn Monroe

von Konrad Beikircher

Foto © Frank Becker
Et Marilyn Monroe
 
Newe, nee, nee dä Ami! Also ich weiß et net. Wenn dä Ami net ene Riesen-Bohei um alles maache kann, es hä net jlöcklich. Et jitt zum Beispiel keene einzije Ami - Film, in dem net jebrüllt weed. Spätstens noh zehn Minuten kütt die Stell, wo sich zwei anbrüllen. Wejen nix, ne, ewwer ene Riesen - Bohei. Un fast immer jeiht et mit Mord un Totschlag us, jrad esu, als wies wenns ohne net och jehen dät. Ewwer nee, beim Ami muß ebends alles mit Riesen - Bohei sin. Kennedy is esu en Fall. Es ermordet worden. Net jrad schön, ewwer: willse machen. Nur: Beim Ami darf dat keene normale Mord sin, nee. Dat muß mindstens eine Verschwörung jewesen sein, mit Mafia un allem pipapo. Weil: es schöner. Oder hier: et Marilyn Monroe. Hätt sich et Lewwe jenomme. Jot, kein schöner Zug, ewwer: willse machen. Nur: dem Ami langt dat net. Ene Welt - Star un dann esu ene normale Sellevsmord? Nicht mit mir, sät sich dä Ami un schwupp! hätt er schon ene Mord drus jemaat. Und domit dat och richtig spannend es, darf dat jo och keene normale Mörder sin. Nee. Do muß jetzt dat Dicke her. Kennedy! jenau. Un schon sin die beiden Märchenfijuren zesammejebunge. Un wie dat klingk! Die Kennedy-Bröder han et Marylin umjebrunge oder umbringe losse! Do höpp et Hezz vom Ami hüher! Esu e Buch es schon vor dem Druck ene Bestseller un dat do ene Riesen - Kinofilm nohkütt es jo klar. Ich wüßt och schon die Besetzung: Ronald Reagan spillt dä Kennedy (am besten John F. un Bobby gleichzeitig, ewwer leider is dä ja auch schon doot) un Dustin Hoffmann et Marylin. Un dä Ami es zufridde. Weil: wenn irjendswat esu janz normal es, dat kann dä Ami net verdrage. Weil: wenn hä net ene Riesen - Bohei maache kann, es hä net jlöcklich. Jetz han se dä Finnanz-Jonglör Strauß-Kahn und singe Libido am Wickel – wat dat wohl noch jibt?

Wissen Sie, wat mich dä Ami mit singem janzen Bohei-Jedöns kann? Jenau.

In diesem Sinne
Ihr
Konrad Beikircher
 

© Konrad Beikircher - Redaktion: Frank Becker