Monopoly

von Konrad Beikircher

Foto © Frank Becker
Monopoly

Irjendswie jeahnt hab ich et jo immer schon, ewwer jetzt es et offiziell: mir Deutschen sin e Volk von Spielern. Mer süht et jo jetz als widder mim Ainschie sing Euro-Jongliererei. Dat es des Rätsels Lösung: SUPER! Jetzt verstonn ich endlich, wat hie un in dr Welt passeet. Weil: dat es jo net nur Chicago, Doppelkopp oder Mensch ärjer dich net. Dat es jo vill mieh! Wer hätt dann jedaach, dat dat janze Spill mit der Ex-Täterää jenau nohm "Monopoly" lööf? Klar: jehe nicht über Los, ziehe kein Gehalt ein un direk av nohm Jefängnis!  Die Treuhand hätt nohm "Spitz pass op!" funktioneet un zack! at widder ene Betrieb stilljelegt. Dat mit dem Aids wör ohne uns Leidenschaff für "russisch Roulette" jar net ze erkläre. Parlamentarische Ungersuchungsausschüsse haale sich streng an die Regeln von "Mau Mau": wer am meisten lügt, es am schnellsten dat belastende Material loss. Die Meinungsforschungsinstitute funktioneere nohm  "Angler-Spiel": die Angel ins Trübe haale, weed schon jet dabei sin. Un immer kütt et anders, ne! Op dr Autobahn lööf dat reinste "Super-Mario-Land": Volljas un beim Überholen schnell die "Lösch-Taste" jedröck. Un beim Clinton kann ich mich det Jeföhls net erwehren, dat dat nur esu ene "Game - Boy" es. Un dat bei uns Banken nüß anderes lööf als wies "Backgammon" weiß jeder, der versöök hät, ene Kredit ze krieje. Die Wahlen sin wie et "Floh-Spiel": alles erein in dr Pott, es ejal, die maache suwiesu, wat se wolle. Un esu wigger. Also, als Quasi-Rheinländer muß ich jo sagen: ich hätt net jedaach, dat dat rheinische Wesen esu op janz Deutschland avjefärv hätt. Nämlich: die Welt als Spill ze sin. Nur: zum wirklichen Erfolg fehlt noch jet. Die rheinische Leichtigkeit. Weil: et es nix esu ätzend, als wies wenns einer dat Spille duuternst nimmt. Un do es dä Rheinländer immer noch allen anderen Deutschen voraus. Ewwer ejal: wat net es, kann noch weede!

In diesem Sinne
Ihr
Konrad Beikircher



© 2011 Konrad Beikircher für die Musenblätter - Redaktion: Frank Becker