Gerechtigkeit!

von Konrad Beikircher

Foto © Frank Becker
Gerechtigkeit!
 
Wußten Sie, dat die Bayern drei (Derei !!!) Feiertage mehr haben als wies mir? Usjerechnet die Bayern: han vür lauter Berje suwiesu keine Platz für ze fiere, ewwer drei Daach mieh! Also für mich es dat en fundamentale Unjerechtigkeit, wo schnellstmöglich jet passeere muß. Leven Frau Walsken in Köln und leeven Frau Lütkes in (ich kann et kaum usspreche) Düsseldorf, ich dätens sage: he sin Sie jefordert, ewwer hallo! Et muß jo net jilich dä "Dach vum Haarspray" sin. Ewwer wie wör et – nemme mer mal en paar Beispill - domet:
10. Oktober: dä Hl. Gereon bezahlt die Erfindung des Bierdeckels mit singem Lewwe! Do möten all die Kölsch- un (schrecklisch) Alt-Brauereien fiere, dat et einem dä Droht us dä Kapp treck!
Oder: 17. Juni, der jo als Dach der deutschen Einheit avjeschaff es (un ene Fierdach avschaffe es für mich e Verbrechen), künnt en "Dach der deutschen Reinheit" ömjemünz weede. Als Bollwerk jejen dat belgische Kunstbier ("Stella Artowass - Fritten vom Faß"!). Un do däten mir - domet et ene richtije Fierdach weed - och all uns Brauereien besööke. Dann sin uns Pänz, wat dat für wertvoll Zeuch es, wat sich dä Bap Ovend für Ovend en dr Hals kipp. Weil dat reinster Umweltschutz es. Jedes Kölsch ein grüner Punkt!
Oder 12. Dezember: 40 Millionen Johr Kölner Bucht. Die es jo domols eijenhändig usjebaggert wode vum Präsidenten des KarnevalsVereins "De Viersener Jecke", däm Antwerpes Jupp. Un e bißje jet vun denne Schaufelhängk hät uns Antwerpes hück noch! In jedem Fall dät ich, leve Rejierungspräsidentinne un lev Leserschaft, janz flück nohdenke, wie man der unhaltbare Zostand, dat dä Bayer mieh fiert als wie mir, wieder en dr Jriff kräje kann. Dat wör Kultur – also: Vürschläg an uns kulturbeflissene Musenblätter!
 
In diesem Sinne
Ihr
Konrad Beikircher
 


© 2012 Konrad Beikircher für die Musenblätter - Redaktion: Frank Becker