Musenblätter - Das unabhängige Kulturmagazin

Foto © Frank Becker

Blömcher

Jo wat es dat dann jetzt? Zick wann sin dann die Blumen esu fimschig? Un wer hät dene Blömcher dann et Sprechen beijebracht? Un wofür? Wat soll dann dä Quatsch? Hier, Blömcher, alle mal herjehürt: haben mir net all die Jahre über Euch jehegt un jepflegt? Haben mir net dat janze Fleurop-Jedöns erfunge, damit noch mih Minsche Freud an Üch han? Haben mir net immer noch fein wat Asparagus un Immerjröns mit in der Strauß jebunden, nur domit Ihr et schön habt? Es dat jetzt dä Dank? Dat Ihr Üch über övver uns lustig am machen seid? Un der Jipfel: am meisten dät et Üch jefalle om Kontakthof? Do weed dann jewachsen un jeblöht wat dat Zeug hält? Jetzt isset ewwer jot! Wat sollen mir dann sagen? Meint Ihr dann et wör schön en esu enem Huhhaus ze wonne? Meint Ihr dann, et wör schön, dä janze Daach dem Geld hingerher ze loofe? Un wenn man alt es un dä Sommer esu heeß wie im Moment alle Nas lang schlapp maache - jo meint Ihr, dat wör schön? Ich meine: wenn sich dr Minsch noh dä Deck strecke muß, um dat janze Dingen irjendswie hinzekjrieje, dann kann man datselbe sicher auch von Üch Blömcher verlange. Es dat klar?! Also, Blömcher, opjepaß: jetzt kee jroß Jedöns mih jemaat. Wenn mir Üch avschnigge, um uns jestreßtes Leben jet ze verschöne, dann weed en Zukumf stilljehaale un der Fall hätt sich. Von wejen zittere als wies Espenlaub. Un mir könne och net jeder Morjen, wenn unsereins om Büro es, eene Lkw nohm anderen mit Topfblömcher nohm Eros-Center bringe, nur weil Üch anjeblich die „aktive“ Luff dort esu jot deit. Also: Muulhaale un Blühe, fertig! Nur eines erlauben ich Üch hiermit ausdrücklich: wenn at widder esu ene Pflanzen-Züscholore kütt un Üch Jedanke messe will: demm könnt Ihr Ühr Wurzele, Liane, Blätter, Äppele un wat noch all um die Uhre haue, bis die nit mih wisse, ob sie Minsch oder Kaktus sin

In diesem Sinn

Ihr

Konrad Beikircher