Dä Coal-Center do
Neilich
hob i beim Doktor angrufn
und hob gsocht:
Am besten kummt der Doktor glei
er hot nemli gestern gsocht –
Wos is Ihr Anliegen,
hot die glei gfrocht.
I hob gsocht:
Von die Fieß nauf
werds langsam kalt –
Wärmflasch!
Wärmflasch is des erste,
hot die gsocht.
Bei mir is des fei
wos Ernstes,
hob i gsocht.
Sie ruft zruck,
hot die gsocht.
So wors a
beim liehm Gott.
Ob er die Sinden vergibt,
hob i gfrocht– weil,
i werd langsam kalt.
Bleed rum gredt hot sie,
da hob i gsocht,
gehm´s ´n mitr persenlich,
i hob ka Zeit net!
Des geht net,
hot sie gsocht.
Hier is blouß des
Coal-Center!
Do bin i aufgwacht
vor Wut
af dä Coal-Center,
hob dreimt ghabt, waaßt.
Un a Wärmflasch
macht mir die Theres
suwiesu
jeden Ohmd.
Blouß, die vergibt
kane Sinden,
die net!
Simon Weinzierl
|