fragen eines brecht-gedichte lesenden

von Fitzgerald Kusz

Foto © Martin Gapa

fragen eines brecht-gedichte lesenden
 
is dä brecht mid dä s-bohn
nach west-berlin nübägfoän?
houdä si im besdn gschäfd
vor ort ä kisdlä zigarrn kaffd?
issä mid dä s-bohn widdä
nach ost-berlin zrückgfoän
und am bahnhof friedrichstraße
mid sei zigarrn ausschdieng?
issä ibä däi brückn ibä dä spree
zum schiffbauerdamm nübä?
houdä si am ufer vo dä spree
an des geländä hiiglahnd?
houdä affs wassä nundägschaud?
houdä emm schiff nouchgschaud
des grood in dem aungblick
aff dä spree vobeigfoän is?
houdä si ä zigarrn oozundn?
houdä  su lang an seinä zigarrn
zoong bis richdi brennd houd?
houdä dann imm rauch
vo seinä zigarrn nouchgschaud?
is nerm dou däbei wos eigfalln?
wos is nerm dou däbei eigfalln?
froung ibä froung
kann kammä froung
 
 
fitzgerald kusz