Der Weinzierl von heute

Entspannung

von Simon Weinzierl

Entspannung

I hoab des verstanden
Ma muß si entspannen
I denk scho droa.

Wen i mi hinleg
entspann i mi
und wenn i sitz
mach i des a

Des is scho oa Gfrett
ewig die Anspannung
um zu entspannen

Andauernd soch
i mir
Du mußt di entspannen
Da werd mer mied
soch i dir

Am Abend denk i
Jetzt mechert i oaber
wirklich entspannen
Jetzt trink i oa Bier.

Simon Weinzierl