Liebe Musenblätter-Leser,
ich hab mal in meinen Schubladen gekramt und da einen fast vergessenen kleinen Schatz wiederentdeckt - Kolumnen, die ich vor - och Jott! - zig Jahren mal für den Kölner EXPRESS geschrieben habe. Einige davon sind heute noch so frisch wie damals, andere derweil eine kleine Geschichtsstunde geworden. Vielleicht haben Sie ja genauso Spaß daran wie der Musenblätter-Redakteur, der mir zugeredet hat - und deshalb kriejen Sie die ab heute in loser Reihenfolge zu lesen! Düsseldorf! Wat es dann met Üch los? Nit vill, dat wisse mir, ewwer esu winnig...! Hier: Jestern morje jing dä Ingo-Bingo vun dr EXPRESS met 100 BEZAHLTE (!) Lottosching noh Düsseldorf un wollt se verschenke. Weil: mer wisse jo, Düsseldorf es ärm, die kunnte sich noch netens städtische Weihnachtsbäum leiste. He also die Kö erop un erav: „Lottosching ze verschenke, Lottosching ze verschenke!“. Nüß. He die Lück einzeln anjesproche:“Ich sin dä Ingo-Bingo vun dr Express un mir verschenke Lottosching“. Die Passantin klammert sich am Krokotäschche fest: „Danke, ich kaufe nichts“. „Dat bruche Se nit ze käufe, dat krieje Se jeschenk. Un bezahlt es dä Sching och at“. „Ph! Ich brauche nichts jeschenkt“, schultert die Tüt mem neue Ozelotjäckchen ‘für dä Övverjang’ un av. Un esu jing dat dä janze Vormeddaach. Vun denne 100 Sching es dä Ingo-Bingo schlappe 30 los jewoode! Un dat wore höchstwahrscheinlich Kölsche. Dat muß sich eine vürstelle! Ewwer esu sin se, die Düsseldorfer. Dat es, weil die janze Stadt ei einzig Shopping-Center es. Un wer immer nur am einkäufe es, kann sich nit mieh vürstelle, dat man och emol jet jeschenk kräje kann!
Kei Wunder, dat dr Düsseldorfer ansich nüß mieh an de Fööß hät. Nur: zeije tut er dat nie. Um Jotteswille! Un do weed mr dann om Kö-Fest von Hummer un Lachs erschlage, zahle un esse müsse dat ewwer die Uswärtije! Tatsache: ich han om letzte Kö-Fest kei einzig Rievkooche- oder Frittebüdche jesin! Dat es dä Ungerschied: dä Kölsche zeigt nit, wat he hät, dr Düsseldorfer zeigt, wat he nit hät! Also, falls ich die 21 Millionen am Samsdaach jewinne dät: ich dät direk dr Stadt Düsseldorf eine Schwung Weihnachtsbäum stifte, domet denne do bovve ei Leech opjeiht!
In diesem Sinne
Ihr/Euer
Konrad Beikircher
© Konrad Beikircher - Redaktion: Frank Becker
|
Das Feuilleton
05.04.11
