Liebesbriefchen

von Konrad Beikircher

Foto © Frank Becker
Liebesbriefchen
 
"Gold, Silber und Edelstein - Moni ich liebe nur dich allein!"  Soll das alles vorbei sein? Keine Liebesbriefe mehr? Vorbei die Zeiten, in denen man mit Herzklopfen an den Briefkasten gegangen ist: es ene Brief do oder net? Vorbei das rosa Briefpapier, getränkt mit dem Duft "ihres" Parfums? Vorbei dat Kartönchen, wodrin die Liebesbriefe jestapelt wore für ewije Zeiten? DAT DARF DOCH NET WOHR SIN! Nur noch schnell nohm Telefon jelangt – oft jenooch mim Händie em Bus - un :"Wie isset? Jot? Un sons? Och jot? Fein...Wat? Jo, sicher Liebelein, ich dich och!". Do es et nimmer wick nohm: "Du mich och!". Zwesche "Ich han dich jän" un "Du kanns mich ens jän han" es ene jroße Schritt, wenn man et schriev, ewwer flügg es et jesproche. Nee, nee, do können sie all kumme un sage: schrieve es out, unmodern, von wejen schnellebiger Zeit oder wat.
Dat einzije, wat hück noch manchmal enne schrift, es en Elekrobreefche, mr säät auch I-Meil dodezu. Ewwer da wird dann ohne Achtung vor Jrammattik und Orthojrafie und meist in konsequenter Kleinschreibung in die Tasten jehackt, dat et en Schand es! Dann Knopp jedrück und zack! es dat auf dem angeren sing Bildschirm. Oder noch wat Schlimmeres: SMS! Do flitzen die Teenager-Fingerscher wie wild öwwer de Tasten von dem kleine Telefönche, wat die ja hück all en dr Täsch han – und flück es en Liebesbreefche im Äther oder wat die daför halten: HDL steht dann do oder HDGDL (Hab Dich lieb oder Hab Dich ganz doll lieb). Heimatland!
Die Liebe bruch Zick un wer sich keen Zick nimmp, der weiß net, wat Liebe es. So es dat nämlich. Kee Wunder, dat die Schnellebijen all Potenzstörungen han un alle 'naslang' ene Sex-Berater bruche.  Selver schuld, sagen ich nur. Wissen die all eijentlich, wat ihnen do entjeiht? Wie schön dat es, sich hinzesetze un singem Levje ene Brief ze schrieve? Do denkt man an et, do steiht et vür enem, do es en Stund e janz wärm Jeföhl in enem. Un dofür soll ich keen Zick mih han?  Nee, Herrschaften, nicht mit mir. Ich han ming Schublädche, do sin die Briefe drin un av und an weed do jelesse. Un dann setzen ich mich hin und schrieven e paar Zeilen oder mih an ming Frau. Un dat es schöner als wies dat Telefon jemals sin kann. Wie wöret dann?: don Sie ens Ühr Frau üvverrasche mit enem kleine Liebesbrief, einfach esu. Mit der Hand, klar. Ich sin sicher, dat plötzlich dä Mond opjeiht, die Palmen rauschen un dä Ovend einer wie lang nit mih weed! Also dann: "Gold, Silber und Edelstein - Moni ich liebe nur Dich allein". Un wenn Sie der namen nit mih jenau wissen: "...Levje, ich liebe nur Dich allein!".
 
In diesem Sinne
Ihr
Konrad Beikircher

 

© Konrad Beikircher - Redaktion: Frank Becker