Paradies

Die hot zimli bleed doher gredt:
Du hockst ewich vor dem Kasten!
Davon hot die gor ka Ahnung
Schließlich wors a Länderspiel.

Desweng hob i mir a Fläschla
Bier danach auch extra gennt
hob mi reighaut in mei Fallen
wie a Ratz hob i gleich pennt

Ober dann, i kanns euch song
hob i dreimt vom Paradies
afm Fußballfeld allaa
und die Sunn die ging grad aaf. 

Wie der Blitz bin i daher grast
und der Ball wor immer drin
kummt zurück, und wieder treff ich –

Freilich wor des net so schwer
wenn ma denkt i bin ja noch
immer in mein Bett drin gleng.