|
Kindheits-Abend
I sehs noch vor mir
die Nacht, die Latern
der Vadder der schickt mi
a Bier fier ihn holn
Alle Obnd hob i´s gmißt
die Stern, die hom gschiena
I hob denkt daß der Herrgott
alles sieht wos i du
Bin amol stehn bliem
mit´m Krug in der Hand
hob denkt, wenn i rauf schau
zum Himmel, zu die Stern
wird alles ganz anders
im nächsten Moment
die Welt wird noch scheener
und der Papa ganz freindlich
wann i bloß richtig schau
Josef Hirschbiegler
|
