los pinos
haikus aus dem kiefernwald
son parc, menorca
5
manchmall hörd mä des dibb-
dibb-dibb vonnerm wiedehobf
säing lässdersi ned gern
6
des geraisch vo di zikoodn
hörd si wäiä ä modoäsäch oo
dem baam machds nix aus
7
zwaa daum gängä affänandä lous
fladdern wäi bläid middi federn:
meengsersi oddä meengsersi ned?
8
ab und zu schbidzd middn
im wald ä weiße villa raus
obbä ka mensch lässd si säing 9
wenns finsdä wird
schwirrn di fledämeis aus
und di kaizlä schreiä
10
bis di sunnä aufgäihd
schdäihd dä wald schwazz
schweing doudä ned
fitzgerald kusz
|
Literatur
13.08.25
